Annapurna Stotram

अन्नपूर्णास्तोत्रम्

Adi Shankara's hymn to Annapurna, the Mother who bestows nourishment — principal verses.

5 min

Deity: Devi
Tradition: Shakta
Purpose: Nourishment, grace
Source: Nitya Karm Pooja Prakash (Gita Press)

मूल पाठ

Sanskrit text

नित्यानन्दकरी वराभयकरी सौन्दर्यरत्नाकरी निर्धूताखिलघोरपापनिकरी प्रत्यक्षमाहेश्वरी। प्रालेयाचलवंशपावनकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

nityānandakarī varābhayakarī saundaryaratnākarī nirdhūtākhilaghorapāpanikarī pratyakṣamāheśvarī | prāleyācalavaṃśapāvanakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ १ ॥

नानारत्नविचित्रभूषणकरी हेमाम्बराडम्बरी मुक्ताहारविलम्बमानविलसद्वक्षोजकुम्भान्तरी। काश्मीरागरुवासिताङ्गरुचिरे काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

nānāratnavicitrabhūṣaṇakarī hemāmbarāḍambarī muktāhāravilambamānavilasadvakṣojakumbhāntarī | kāśmīrāgaruvāsitāṅgarucire kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ २ ॥

योगानन्दकरी रिपुक्षयकरी धर्मार्थनिष्ठाकरी चन्द्रार्कानलभासमानलहरी त्रैलोक्यरक्षाकरी। सर्वैश्वर्यकरी तपःफलकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

yogānandakarī ripukṣayakarī dharmārthaniṣṭhākarī candrārkānalabhāsamānalaharī trailokyarakṣākarī | sarvaiśvaryakarī tapaḥphalakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ ३ ॥

कैलासाचलकन्दरालयकरी गौरी उमा शङ्करी कौमारी निगमार्थगोचरकरी ओङ्कारबीजाक्षरी। मोक्षद्वारकपाटपाटनकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

kailāsācalakandarālayakarī gaurī umā śaṅkarī kaumārī nigamārthagocarakarī oṅkārabījākṣarī | mokṣadvārakapāṭapāṭanakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ ४ ॥

दृश्यादृश्यविभूतिवाहनकरी ब्रह्माण्डभाण्डोदरी लीलानाटकसूत्रभेदनकरी विज्ञानदीपाङ्कुरी। श्रीविश्वेशमनःप्रसादनकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

dṛśyādṛśyavibhūtivāhanakarī brahmāṇḍabhāṇḍodarī līlānāṭakasūtrabhedanakarī vijñānadīpāṅkurī | śrīviśveśamanaḥprasādanakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ ५ ॥

आदिक्षान्तसमस्तवर्णनकरी शम्भोस्त्रिभावाकरी काश्मीरात्रिपुरेश्वरी त्रिनयनी विश्वेश्वरी शर्वरी। स्वर्गद्वारकपाटपाटनकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

ādikṣāntasamastavarṇanakarī śambhos tribhāvākarī kāśmīrātripureśvarī trinayanī viśveśvarī śarvarī | svargadvārakapāṭapāṭanakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ ६ ॥

उर्वीसर्वजनेश्वरी भगवती मातान्नपूर्णेश्वरी वेणीनीलसमानकुन्तलधरी नित्यान्नदानेश्वरी। सर्वानन्दकरी सदाशुभकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

urvīsarvajaneśvarī bhagavatī mātānnapūrṇeśvarī veṇīnīlasamānakuntaladharī nityānnadāneśvarī | sarvānandakarī sadāśubhakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ ७ ॥

आदित्येषु न पश्यते मम विभुं मायाविशेषोद्भवं तत्सर्वं परमेश्वरीति मनसा ध्यायामि नित्यं शिवे। देवि सर्वजगत्प्रसूतिजननी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

ādityeṣu na paśyate mama vibhuṃ māyāviśeṣodbhavaṃ tat sarvaṃ parameśvarīti manasā dhyāyāmi nityaṃ śive | devi sarvajagatprasūtijananī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ ८ ॥

देवि सर्वविचित्ररत्नरचिता दाक्षायणी सुन्दरी वामे स्वादुपयोधरा प्रियकरी सौभाग्यमाहेश्वरी। भक्ताभीष्टकरी सदा शुभकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

devi sarvavicitraratnaracitā dākṣāyaṇī sundarī vāme svādupayodharā priyakarī saubhāgyamāheśvarī | bhaktābhīṣṭakarī sadā śubhakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ ९ ॥

चन्द्रार्कानलकोटिकोटिसदृशा चन्द्रांशुबिम्बाधरी चन्द्रार्काग्निसमानकुन्तलधरी चन्द्रार्कवर्णेश्वरी। मालापुस्तकपाशसाङ्कुशधरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

candrārkānalakoṭikoṭisadṛśā candrāṃśubimbādharī candrārkāgnisamānakuntaladharī candrārkavarṇeśvarī | mālāpustakapāśasāṅkuśadharī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ १० ॥

क्षत्रत्राणकरी महाभयकरी माता कृपासागरी साक्षान्मोक्षकरी सदा शिवकरी विश्वेश्वरश्रीधरी। दक्षाक्रन्दकरी निरामयकरी काशीपुराधीश्वरी भिक्षां देहि कृपावलम्बनकरी मातान्नपूर्णेश्वरी

kṣatratrāṇakarī mahābhayakarī mātā kṛpāsāgarī sākṣānmokṣakarī sadā śivakarī viśveśvaraśrīdharī | dakṣākrandakarī nirāmayakarī kāśīpurādhīśvarī bhikṣāṃ dehi kṛpāvalambanakarī mātānnapūrṇeśvarī

॥ ११ ॥

अन्नपूर्णे सदापूर्णे शङ्करप्राणवल्लभे। ज्ञानवैराग्यसिद्ध्यर्थं भिक्षां देहि च पार्वति

annapūrṇe sadāpūrṇe śaṅkaraprāṇavallabhe | jñānavairāgyasiddhyarthaṃ bhikṣāṃ dehi ca pārvati

॥ १२ ॥

माता च पार्वती देवी पिता देवो महेश्वरः। बान्धवाः शिवभक्ताश्च स्वदेशो भुवनत्रयम्

mātā ca pārvatī devī pitā devo maheśvaraḥ | bāndhavāḥ śivabhaktāśca svadeśo bhuvanatrayam

॥ १३ ॥

Annapurna Stotram — recitation

Coming soon

अर्थ

Meaning

O Mother Annapurneshvari — giver of ceaseless bliss, of boons and fearlessness, an ocean of beauty, remover of all dread sins, the manifest Great Goddess, purifier of the Himalaya's line, sovereign of Kashi — grant me alms, upholding me by your grace. Adorned with many gems and golden raiment, radiant, fragrant with saffron and aloe, sovereign of Kashi — grant me alms. Bestower of the bliss of yoga, destroyer of foes, establisher in dharma, shining like moon, sun and fire, protectress of the three worlds, giver of all splendour and the fruit of austerity — grant me alms. O Annapurna, ever-full, beloved of Shankara: for the attainment of knowledge and dispassion, grant me alms, O Parvati.

संदर्भ

Context

Attributed to Adi Shankaracharya; Annapurna of Kashi is revered as the giver of food and nourishment. Principal verses; text as given in Nitya Karm Pooja Prakash.

Sources & References

Source / TraditionNitya Karm Pooja Prakash (Gita Press)

Scriptural ReferencesAttributed to Adi Shankaracharya

Editorial NoteComplete text — all thirteen verses of the Annapurna Stotram (Adi Shankaracharya).

Dharmartha presents traditional knowledge with respect for its sources. Practices vary by lineage and region; this material does not assert exclusive or universal authority.

Spot an error or have a suggestion?

Help us keep this accurate — report a mistake or suggest content for this page.

Report an issue / Suggest a change